એરિઝોનામાં મોટેલ ધરાવતાં વર્ષા પટેલને કોર્ટે સજા ફટકારી

એરિઝોનામાં રોયલ ઈન નામની મોટેલ ધરાવતા વર્ષા પટેલ નામના એક ગુજરાતી મહિલાને ફેડરલ કોર્ટ દ્વારા સજા સંભળાવવામાં આવી છે. 57 વર્ષીય વર્ષા પટેલ પોતે કેલિફોર્નિયાના ચિનો હિલ્સમાં રહે છે, તેમની મોટેલમાં દેહવેપાર ઉપરાંત ડ્રગના વેચાણ જેવી ઈલીગલ પ્રવૃત્તિ થતી હતી અને આ જ કારણોસર રોયલ ઈન ખાસ્સી બદનામ પણ હતી. વર્ષા પટેલ પર એવો આરોપ હતો કે તેમણે માત્ર કમાણી કરવા માટે જાણીજોઈને પોતાના બિઝનેસમાં આ પ્રકારની પ્રવૃત્તિ ચાલવા દીધી હતી. સપ્ટેમ્બર 2024માં આ મોટેલ પર FBI અને લોકલ પોલીસ સહિતની એજન્સીએ રેડ કરી હતી જેમાં પ્રોપર્ટીના પ્રિમાઈસિસમાં ચોવીસે કલાક ઈલીગલ પ્રવૃત્તિઓ ચાલતી હોવાના પુરાવા મળ્યા બાદ આ મોટેલને જ બંધ કરાવી દેવામાં આવી હતી.