Եթե ռուսական զորքերը հեռանան Հայաստանից, պատրա՞ստ ենք ինքներս մեզ պաշտպանել

Եթե ռուսական զորքերը հեռանան Հայաստանից, պատրա՞ստ ենք ինքներս մեզ պաշտպանել Ի՞նչ կլինի, եթե ռուսական ռազմական ներկայությունը Հայաստանում դադարի, և պատրա՞ստ է արդյոք Հայաստանը սեփական ուժերով լրացնել առաջացող անվտանգային բացը։ «Հայր և որդի Վարդանովներ» փոդքասթի այս թողարկման ընթացքում քննարկում ենք Հայաստանում ռուսական 102-րդ ռազմաբազայի, Էրեբունու ավիաբազայի և ռուս սահմանապահների հնարավոր հեռացման հետևանքները։ Խոսում ենք Ռուսաստանի՝ տարածաշրջանում ունեցած դերի ու թույլ տված սխալների, Հայաստանի անվտանգության համակարգի, Թուրքիայի և Ադրբեջանի ռազմական ներուժի, Իրանի գործոնի և արտաքին ուժերի վրա հույս դնելու վտանգների մասին։ Ի՞նչ ուժեր են անհրաժեշտ Հայաստանին սեփական սահմանները պաշտպանելու համար, ինչո՞ւ չի կարելի օտար ռազմական ներկայությունից հրաժարվել՝ առանց այն փոխարինելու սեփական կարողություններով, և ինչո՞ւ է այսօր առավել հրատապ դառնում համապարփակ պաշտպանության ու «ազգ-բանակի» իրական համակարգի ստեղծումը։ Ի վերջո, անկախ նրանից՝ Հայաստանում ռուսական, ամերիկյան, ֆրանսիական, թե որևէ այլ երկրի զորք կլինի, պետության պաշտպանության հիմնական պատասխանատվությունը մնում է հենց իրենը։