{عرفوه بالعلم}(07) الدناصير أصدقاء.. مش طواجن

سنة ١٧٨٧.. فيه شخص ما في أمريكا في نيوجيرسي لقى عظمة فخد ضخمة في أحد الأنهار.. و كان واضح جدا ان عضمة الفخد دي مش بتاعت أي كائن حي معروف النهاردة.. على الأقل في نيوجيرسي يعني.. النهاردة العلماء بيرجحوا ان العظمة دي لديناصور اسمه هادروصور hadrosaur .. كان عنده منقار شبه البطة كده.. في الوقت ده.. ماكانش لسة حد يعرف حاجة عن الديناصورات.. فبعتوا العظمة دي للدكتور كاسبر ويستار Caspar Wistar أكبر عالم تشريح في البلد.. بس الراجل بصلها كده و ما أخدش باله من حاجة ولا استغرب حتى ! و قالك حيوان و مات.. هاتقرفونا ليه يعني؟! و ضاعت عليه فرصة انه يكون أول واحد في التاريخ يكتشف الديناصورات .. و مش هو بس.. ماحدش اهتم بالعظمة دي اساسا.. فاتركنت في مخزن من المخازن لغاية ما اختفت تماما.. فكانت دي أول عظمة ديناصور تكتشف في التاريخ.. و كمان أول عظمة ديناصور تضيع في التاريخ.. بس الحقيقة عدم اهتمام العلماء بالعظة دي في التوقيت ده كان غريب جدا.. لأن في الوقت ده تحديدا في امريكا كان فيه اهتمام عام بموضوع الحيوانات الضخمة المنقرضة.. سبب الاهتمام ده كان كلام عالم الطبيعة الفرنسي دو بوفون.. اللي اتكلمنا عنه الحلقة اللي فات.. رائد مدرسة الأوف أحولوجي اللي قعد سخن الكور و يشوف هاتاخد وقت قد ايه عشان تبرد.. .. المهم الراجل ده كان رأيه ان الكائنات الحية اللي موجودة النهاردة أصغر حجما بكتير من الكائنات الحية اللي كانت موجودة في الماضي السحيق.. بوفون كتب في تقرير عن أمريكا و قال فيه انها بلد مليانة مستنقعات و التربة فيها عقيمة و مش خصبة .. عشان كده الحيوانات فيها ضعيفة و صغيرة و مابتشيلش لحم.. بسبب انهم بيتنفسوا العفونة اللي في الجو اللي من المستنقعات اللي مالية البلد.. و مش بس الحيوانات.. ده حتى البشر.. بوفون قال عن الهنود الحمرز انهم لامؤاخذة مش رجالة قوي يعني.. مابيطلعلهمش شعر على جسمهم ولا في وشهم و مالهمش في الحريم قوي يعني.. و حتى أعضاءهم الجنسية ضامرة زي الحيوانات اللي في البلد برضه.. للدعم على Patreon :   / ahmedbehiry   اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك   / أحمد-بحيري-ahmed-behiry-109415711865636   الصفحة الرسمية علي تويتر   / ahmedbehiry   اشترك في القناة لمتابعة الحلقات الجديدة http://goo.gl/2KheJZ المصادر: أعلم أهل الأرض داباليو داباليو داباليو دوط قووقل دوط قوم http://www.قooقle.com