一哥都唔掂！CEO玩失聯，百億王國墮落！以前逼到甩鞋，而家靜到聽烏蠅叫。三年換四個CEO，未打已經輸一半！商超一哥，終究成為敗家仔！中國商超路在何方？#超市 #超級廣場 #實體店 #倒閉潮

滅門式」崩盤！大潤發CEO離奇人間蒸發！百億王國淪為廢墟！超市之王大潤發冇得救啦？ 以前入大潤發，逼到鞋都甩、shopping車撞到啪啪聲；今日靜到連烏蠅飛過都聽到回音。仲話「19年唔關一家店」？而家一間一間咁同你講拜拜，仲唔系大鑊？呢個年代，唔系你大間就大曬，系邊個快、邊個平、邊個令客人懶得諗，邊個就贏。 近期呢，全國各地又傳嚟唔少傳統大型超市執笠嘅消息。由一線城市到小縣城，由家樂福、大潤發到本土連鎖品牌，以前人聲鼎沸嘅大賣場，而家冷清到好似俾人撳咗暫停掣咁。城市商圈表面好旺，背後其實系一場無聲時代落幕。你行入商場，睇到燈仲亮、冷氣仲凍，但人心更凍；貨架排得整齊理齊，唔系因為補貨勤，系因為冇人買。收銀阿姐拍烏蠅拍到有腹肌，實Q阿叔眼神空洞到可以拍文藝片。呢種靜，唔系平靜，系暴風雨前嘅靜，系盤數爆煲前嘅靜啊。 近日，大潤發母公司高鑫零售發布2026財年業績，公司收入634.42億，同比下降11.3%；毛利153.72億，同比下降10.8%。更關鍵嘅系，公司權益股東應占蝕本達3.19億，而舊年同期為盈利4.05億。嘩，呢個唔系少少插水，系由賺4.05億變成蝕3.19億，一來一回差咗成7億幾，唔系講玩。盤數攤出嚟，真系一巴一巴咁摑埋去，仲要摑到啪啪聲。 你睇下，三項核心收入來源全部出現唔同程度嘅下滑。銷售貨品收入為606.11億，同比減少11.5%；租金收入28.02億，同比下降7.6%，呢個已經系租金收入連續第三年下滑；會員費收入0.29億，同比減少19.4%。即系點？即系人少咗、買得少咗、租又收唔爽。以前大賣場系商場嘅金蛋，租客爭住入，因為人流旺；而家人流少到可以打羽毛球，商場自己都自身難保，仲邊有本錢加租？會員費跌近兩成，即系連班死忠都開始諗：「我仲使唔使年年畀錢你？」 現金流情況亦明顯惡化。2026財年公司經營活動現金流淨額僅為6.34億，相比上一財年大幅減少82.1%。與此同時呢，公司淨現金規模亦從125.29億下降至100.63億。現金流系企業嘅血，而家唔系流血，系好似個水塘俾人鑿穿咁，嘩啦啦咁流走。你話幾閉翳？為咗止蝕，公司已經開始大規模降本。截至2026財年末，高鑫零售員工總數降至7.8萬餘人，相較上一財年減少超5千人，員工福利開支也同比減少了約8億。慳到咁，都仲系守唔住條盈利線，你話幾頭痕呀。 不過呢，高鑫零售又唔系完全冇亮點嘅。例如，其自有品牌「大拇指超省」和「潤發甄選」銷售額同比增長超過6成，在線訂單量也實現了5.5%的增長。系，呢啲數字系靚，但問題系，新業務增長仲未足以抵消傳統大賣場業務嘅整體下滑。好似一個人只手搵到多幾舊水，但另一隻手成副身家蒸發緊，你話開唔開心？開心一陣，轉頭又冇眼睇。 業績失守，往往只系表象；真正嘅動盪，收埋在公司內部。今年3月8日呢，大潤發母公司高鑫零售發咗一份少見嘅公告：CEO李衛平「至今仍未能取得聯絡」，在「一段長時間內未請假」嘅情況下未能履行職責，董事會當場免咗佢職。三個月前，呢位有26年零售經驗、當過盒馬鮮生CEO嘅女將剛被官宣上任，公告入面白紙黑字寫住對佢「寄予厚望」。人聯繫唔上，厚望懸在半空，早在2月初，市場已傳出佢被帶走協助調查嘅消息；知情人士嘅講法系，事情同佢此前任職嘅公司有關，同高鑫無關。但無論點講呢，CEO玩失聯，呢單嘢已經夠曬戲劇化，夠曬震撼啊。 呢個唔系大潤發第一次換CEO。前年3月，阿里系高管林小海卸任，老將沈輝接棒；舊年11月，沈輝以「家庭事務」為由請辭；舊年12月，李衛平上任；今年3月，德弘資本聯合創始人華裕能零酬金兼任CEO。三年入邊換咗四任，最短一任只做咗三個月。三個月？啲人連公司茶水間邊個系邊個都未認清，就已經要執包袱。比換CEO更徹底嘅，系換血：德弘接手後，包括採購在內嘅高管團隊約5成被更替，五大運營區並成四個。而呢家公司，過去二十多年幾乎冇換過掌舵人。問題只有一個：換咗血嘅大潤發，能唔能夠翻生呢？ 頻繁嘅人事調整，好容易導致戰略方向反覆變化，亦會影響組織執行嘅連續性和團隊穩定性。對於一家擁有數百家門店、數萬名員工嘅大型零售企業嚟講呢，最怕嘅其實唔系短期蝕本，而系內部節奏不斷被打亂。零售行業，本質上系一個極度依賴運營細節和長期執行力嘅行業。一旦高層思路頻繁切換，基層團隊往往會陷入「今日改呢個、明日推嗰個」嘅狀態，最終影響成個組織效率。你話系咪？高層一換，中層跟住動；中層一動，基層唔知聽邊個；剛熟悉一套打法，又換一套。咁搞法，比蝕3個億仲攞命啊。 其實呢，大潤發唔系冇機會。462家大賣場覆蓋了中國大部分城市，呢個系永輝、步步高都冇的底盤。但呢個底盤喺老化，客流喺流失，商品喺縮水。換CEO解決唔到戰略搖擺嘅問題。追風口解決唔到基本功嘅問題。大潤發嘅問題，同大潤發本身關係唔大，同佢「乜火就追乜」嘅習慣關係好大。最難管嘅從來唔系業務，系人心嘅反覆搞搞震。兩年換四個CEO，意味住每任CEO上台都要重新調整班子、重新定方向、重新磨合。高管換咗，中層跟住郁，基層員工唔知聽邊個，剛熟悉一套打法，又換一套，咁搞法呢，比蝕3個億更致命——唔好意思，講得太順，應該話更攞命。阿里喺大潤發身上投入嘅技術、團隊、資源全部推倒重來。新資方入嚟又一輪。換咗四套班子，花咗五年時間，大潤發仲系那個大潤發。冇永遠的王者，只有不斷重生的玩家。但呢句說話，講就威，做就另一回事。 而家最攞命嘅，系網絡對實體嘅夾擊。你估大潤發只系同隔籬間超市斗？錯喇，老友。佢系同成個互聯網斗。淘寶、京東、拼多多，一撳就送到屋企；美團、餓了麼，半個鐘頭送到門口；抖音直播間日日夜夜喊你「家人們」，小紅書種草種到你心鬱郁；社區團購第二日自提，平到你唔信。以前一家人周末行超市，而家一家人坐喺梳化，各自撳手機，邊個平就邊個買。實體店變咗陳列室，啲人入嚟睇實物、試尺碼、摸質地，跟住拎起手機掃碼，網上平三蚊五蚊，仲免運費。你話超市點頂？租金又貴，人工又貴，燈油火蠟樣樣系錢，網店一粒字都唔使交租，倉庫仲可以擺喺便宜地方。呢場仗，根本唔系同隔籬間超市打，系同成個互聯網打。手機一響，客流就散；直播一開，銀包就轉。大潤發唔系唔努力，系條跑道已經俾人挖空咗。 再加上外賣平台抽傭、實時零售、前置倉、山姆、Costco、盒馬輪住夾擊。大賣場嘅「大而全」，而家變成「大而笨」。以前貨架多系優勢，而家系庫存壓力；以前人流旺系租金議價力，而家人流少，商場都自身難保。你話幾諷刺？以前大潤發系商場嘅招牌，而家商場睇到你，都可能心諗：「你唔好執笠住，你執咗我點算？」但呢個世界就系咁現實，你唔變，手機幫你變；希望嗰個承載住我哋回憶同青春嘅大潤發，依舊繁榮。但希望還希望，盤數還盤數。你唔可以靠回憶交租，唔可以靠懷舊出糧，唔可以靠「以前好旺」稅服客人返嚟。客人而家好忙，忙住比價、忙住睇直播、忙住拎優惠券。你要佢行入門口，就要俾佢一個非入不可嘅理由喇。