Аннастын өлүмү: "Бизге окшоп башка ата-эне сыздап калбасын"

Бишкектеги №72 мектептин 8-классынын окуучусу Аннас Айтбаевдин өлүмү боюнча "Ден соолукка оор залал келтирүү" беренеси менен кылмыш ишин козголду. Атасы Дөөлөтбек Айтбаевдин айтымында, уулу мектеп рекетчилигинин курмандыгы болгон. Бирок мектеп директору Дамира Назаркулова окуучунун сабалганы боюнча кабары жок болгонун айтууда. Аннастын ата-энеси уулунун өлүмүн акыйкат иликтеп, күнөөлүүлөрдү жазага тартууну талап кылууда.