𝙿𝙰𝙺𝙾𝚃𝙴 𝚁𝙴𝙿𝙾𝚁𝚃𝙰𝙹𝙴́𝙽 𝚃𝚄𝚁𝙸𝚉𝙼𝚄 𝙱𝙰𝚄𝙺𝙰𝚄

𝙿𝙰𝙺𝙾𝚃𝙴 𝚁𝙴𝙿𝙾𝚁𝚃𝙰𝙹𝙴́𝙽 𝚃𝚄𝚁𝙸𝚉𝙼𝚄 𝙱𝙰𝚄𝙺𝙰𝚄 Munisípiu baukau iha fatin potensial ba area turizmu tanba iha sítiu turizmu oin oin, hanesan turizmu istóriku, turizmu relijiozu, turizmu natureza, turizmu kulturál, turizmu rejisténsia, turizmu komunitária turizmu praia no turizmu agrikultura. Dezenvolvimentu setór turizmu iha munisípiu Baukau importante tebes tanba bele sai hanesan fonte rendimentu alternativa hodi hamenus dezempregu, hadia kondisaun moris komunidade no kontribui ba dezenvolvimentu ekonomia timor-leste. Alende ne’e, atu promove atrassaun turístika, aumenta rendimentu komunidade, kria oportunidade servisu, prezerva patrimónia istóriku no kulturál, hadia infraestrutura turístika, atrai investimentu promove turizmu sustentavel, aumenta númeru turista no seluk tan. Tuir relatóriu levantamentu dadus husi Servisu Jestaun Merkadu no Turizmu Munisípiu Baukau rejista sítiu turizmu hamutuk 190, kompostu husi turizmu istóriku 106, turizmu relijiozu 17, turizmu natureza 32, turizmu kulturál 17, turizmu rejisténsia 5, turizmu komunitária 5, turismu praia 2.