Kwale yazindua mpango wa miaka mitano wa kuwalinda watoto na kuwawezesha kubaki shuleni

Mpango wa miaka mitano wa kulinda watoto umezinduliwa katika kaunti ya Kwale kwa lengo la kukabiliana na mimba za utotoni, ndoa za kulazimishwa na aina nyingine za unyanyasaji zinazotishia usalama na elimu ya watoto. Mpango huo unaojulikana kama Tulinde Mtoto, utaanza katika takribani shule 20 katika kaunti ndogo za Msambweni na Matuga kabla ya kuenezwa katika maeneo mengine ya kaunti.