नवरात्री विशेष तोंडात विरघळणारा हळवाई स्टाईल दुधीभोपळ्याचा दाणेदार हलवा।Dudhifhopala#milk,pumpkin🍲💚

नमस्कार मंडळी 💚🙏👍तर आज आपण बनवणार आहोत दुधी भोपळ्याचा हलवा ,चला तर मग रेसिपी ला सुरुवात करूया. आवश्यक साहित्य: • दुधी भोपळा: २ ते अडीच कप (कोवळा किसलेला) • साजूक तूप: २ ते ३ मोठे चमचे • दूध: १.५ ते २ कप (घट्ट किंवा उकळलेले) • खवा (मावा): ३/४ कप (आवडत असल्यास) • साखर: ३/४ कप (किंवा तुमच्या गोडीनुसार) • वेलची पावडर: १/४ छोटा चमचा • सुका मेवा: काजू, बदाम, पिस्त्याचे काप आणि बेदाणे कृती: १. दुधी तयार करणे: कोवळा दुधी भोपळा धुवून त्याची साल काढून घ्या. किसणीने किसताना आतील बियांचा भाग बाजूला ठेवा. २. परतून घेणे: एका जाड बुडाच्या कढईत साजूक तूप गरम करा. त्यात किसलेला दुधी भोपळा घालून ५ ते ७ मिनिटे चांगला परतून घ्या जेणेकरून त्याचा कच्चा वास जाईल. ३. दूध शिजू देणे: आता यात दूध घाला आणि मंद आचेवर दुधी दुधामध्ये चांगला शिजवून घ्या (दूध आटFपर्यंत हलवत राहा). ४. खवा व साखर घालणे: मिश्रण घट्ट झाल्यावर त्यात साखर आणि खवा घाला. साखर विरघळल्यानंतर हलवा पुन्हा थोडा सैल होईल, तोपर्यंत ढवळत राहा जोपर्यंत हलवा कढईची बाजू सोडत नाही. ५. वेलची व सुका मेवा: शेवटी वेलची पावडर आणि काजू, बदाम, बेदाणे घालून चांगले मिक्स करा. गरमागरम किंवा थंडगार चवदार दुधी भोपळ्याचा हलवा तयार आहे! रेसिपी असल्यास लाईक शेअर आणि सबस्क्राइब करायला विसरू नका धन्यवाद 🙏