దద్దరిల్లిన దుర్గమ్మ భజన పాట..🙏||ఓ కనకదుర్గామాతా గైకొనుమా మాదుజోతా ||పాలచర్ల సుబ్బారావు గారి టీమ్

ఓ కనకదుర్గామాతా గైకొనుమా మాదుజోతా సౌభాగ్యమిచ్చే ఘనతా సంపన్నవమ్మా లలితా.. అమ్మలగన్నా మాయమ్మా అఖిలాండేశ్వరి నీవమ్మా. ఆదిశక్తివే లోకమాతవే వేదవినుత దివ్యజ్యోతివే ॥ఓ కనక || 1. దక్షనింటా జనియించినావే దక్ష నందినివే అష్టాదశ పీఠంబులు నేలే ఖ్యాతినొందేవే శంఖుచక్ర ఆయుధములు ధరియిస్తివే సింహ వాహనము నెక్కి చరియిస్తివే అసుర నాశినివే లోక రక్షనివే 2. పరమశివుని అర్ధాంగినీవు అర్ధభాగంనే పొందినావు వ్యాఘ్ర వాహని దుష్ట నాశినివే కష్టాలన్ని కడతేర్చె క్రాంతి రూపివే నిష్టతోటి నిన్ను కొలచి వేడుకుందురే అభయదాయినివే అవతరించావే ||ఓ కనక ॥ 3 అంబాశాంభవి అవతారమూర్తి ఆదరించమ్మా అద్భుతముగా మహిమలు చూపే అమ్మవు నీవమ్మా, మహిషాసురుని హతమార్చిన భద్రకాళివమ్మా చండీమొండులను ఖండనచేసిన జగదీశ్వరవమ్మా ఇంద్రకీలాద్రి వాసి జగధాత్రి ||ఓ కనక || 4. మల్లెపువ్వుల మాలలు వేయగ తెచ్చినారమ్మా పసుపు కుంకుమ ఎర్రని గాజులు ఇచ్చినారమ్మా, భక్తకోటి నిన్ను చూసి మురిసి నారమ్మా ఆది పరాశక్తి వనుచు కోరినారమ్మా శ్రీనివాసునీపాట వినవమ్మా ||ఓ కనక ॥