Khit Thit Morning News | May 5 , 2026

Khit Thit သတင်းဌာန၏ မေ ၅ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၅ ရက် မနက်ပိုင်း တင်ဆက်ပေးမယ့် သတင်းတွေကတော့ -၂၀၂၁ ခုနှစ် စစ်အာဏာသိမ်းမှုဖြစ်ပြီးနောက် စစ်အာဏာသိမ်းခိုင်းတဲ့မိသားစုအဖြစ် ဗိုလ်ချုပ်ဟောင်း စိုးသိန်းနဲ့ သူ့သား အေးချမ်းတို့ကို လူမှုကွန်ရက်မှာ ပို့စ်တွေရှယ်ပြီးဝေဖန်ခဲ့တဲ့ ပြည်သူ ၄ ဦးကို တစ်ဦးကို ငွေကျပ် သိန်း ၃၀၀ စီ၊ စုစုပေါင်း သိန်း ၁၂၀၀ လျှော်ကြေးပေးဖို့ ကမာရွတ်ခရိုင် တရားသူကြီးထွန်းနိုင်ဝင်းက အမိန့်ချလိုက်တယ်လို့ နေပြည်တော်စစ်ဘက်သတင်းရင်းမြစ်ဆီက သိရပါတယ်။ ပြည်ထောင်စုဝန်ကြီးချုပ် မန်းဝင်းခိုင်သန်းနဲ့အဖွဲ့က ပဲခူးတိုင်းစစ်ဌာနကို သွားရောက်ပြီး နယ်မြေအခြေအနေတွေကို ကွင်းဆင်းစစ်ဆေးခဲ့တယ်လို့ အမျိုးသားညီညွတ်ရေးအစိုးရက ထုတ်ပြန်ပါတယ်။ ပဲခူးတိုင်း၊ ကြို့ပင်ကောက်မြို့နယ် မြို့လယ်ချောင်း စစ်တပ်ဂိတ်စခန်းကို ဝင်ရောက်တိုက်ခိုက်ရာ စစ်သား ၇ ဦး သေဆုံးခဲ့ကြောင်း တပ်ရင်း ၃၈၀၁ တပ်ခွဲ ၅ ကြို့ပင်ကောက် Hero ပြောက်ကျားတပ်ဖွဲ့မှ တာဝန်ရှိသူက ရန်ကုန်ခေတ်သစ်ကို ပြောပါတယ်။ -အီရန်နဲ့ အမေရိကန်အကြား အပြန်အလှန်ပိတ်ဆို့ထားတဲ့ ဟော်မုဇ်ရေလက်ကြားမှာ အခြေအနေတွေ တင်းမာနေပြီး အမေရိကန်ဖျက်သင်္ဘောတွေ ရေလက်ကြားကို ဖြတ်ကျော် ဝင်ရောက်လာတဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။