निगेटिव्हिटी (नकारात्मकतेवर) सद्‌गुरुभक्तीने मात करणार्‍या श्रीस्वामी समर्थांच्या भक्ताची कथा

श्रद्धावानांना आगामी नववर्षाच्या आगाऊ शुभेच्छा देतानाच सद्‌गुरु अनिरुद्ध बापूंनी, गुरुवार दि. २५ डिसेंबर २०२५ रोजी केलेल्या पितृवचनामध्ये, मनुष्याने काळाबरोबर बदलणे आवश्यक असल्याचे ठामपणे सांगितले व माणसाला नेहमी बदल का हवा असतो, ते समजावून सांगितले. आपल्याला नेहमीच सध्याच्या परिस्थितीपेक्षा अधिक चांगल्या परिस्थितीत राहावे, आपला अभ्युदय व्हावा असे वाटत असते, त्यात चुकीचे काहीच नाही. पण हे असे वाटणे हे, दुसर्‍याबरोबर केलेल्या तुलनेतून अर्थात ‘माझ्यात काहीतरी कमी आहे’ अशा नकारात्मक (Negative) विचारातून आलेले नसावे, असे प्रतिपादन बापूंनी केले. आपल्या सनातन धर्माने Negativity ला सगळ्यात मोठा शत्रू मानले आहे, त्यामुळे दुसर्‍याशी तुलना टाळलीच पाहिजे असे त्यांनी सांगितले. तसेच हावरेपणा करायचाच, तर तो अध्यात्मामध्ये देवासाठी....देवाच्या कृपेसाठी करावा, असे बापूंनी सांगितले. ह्या विषयाच्या अनुषंगाने सद्‌गुरु बापूंनी, अक्कलकोट स्वामींच्या एका सर्वसामान्य भक्ताची कथा सांगितली. सद्‌गुरुभक्तीने नकारात्मकतेवर कशी मात करता येते आणि भक्ताचा प्रवास नकारात्मकतेपासून सकारात्मकतेपर्यंत सद्‌गुरु कसा करून घेतात, ही गोष्ट ह्या कथेतून प्रकर्षाने जाणवते. ‘भिऊ नकोस, मी तुझ्या पाठीशी आहे’ हे अभयवचन आपल्या भक्तांना देणार्‍या स्वामीसमर्थांच्या ह्या कथेच्या ओघा-ओघात बापूंनी ‘श्री स्वामी समर्थ जय जय स्वामी समर्थ’ हा गजर, तसेच ‘ॐ अभयदाता श्री स्वामीसमर्थाय नम:’ हा जप श्रद्धावानांकडून करून घेतला. तसेच, त्या भक्ताने अक्कलकोटला स्वामींच्या दर्शनासाठी जात असताना केलेला पुढील गजरही करून घेतला. तू ही मेरा जीवन तुम ही मेरा पथ हो। तुम ही मेरी जिंदगी का हर पल नाथ हो। तुम ही मेरी जिंदगी में हर पल साथ हो। तुम ही मेरी जिंदगी का आखरी मुक़ाम हो। तुम ही मेरी जिंदगी का हरिगुरुधाम हो॥ ‘जीवनात गुरु हवा’ इथपासून ते ‘माझे सद्‌गुरु हेच माझे जीवन’ ह्या भूमिकेपर्यंत घडलेला त्याचा प्रवास ह्या गजरातून व्यक्त होतो. तसेच, देव तुमची परीक्षा घेतो ते फेल करण्यासाठी नाही, तर तुम्हाला अधिक उच्चपदावर घेऊन जाण्यासाठी, ही गोष्ट ह्या कथेतून स्पष्ट होते. तसेच आपल्यात असणारे कामक्रोधादि विकार काढून टाकण्यासाठी त्याने स्वामींची करुणा भाकली होती. त्या अनुषंगाने बापूंनी संत एकनाथ महाराजांचे, ‘विंचू चावला’ हे भारुडही गाऊन घेतले. #AniruddhaBapu #SwamiSamarth #negativity ©℗ ---------------------------------- Join the WhatsApp Channel - https://whatsapp.com/channel/0029Vb9c... For more information about Sadguru Shree Aniruddha (Bapu) - Aniruddha Devotion Sentience site - https://aniruddha-devotionsentience.com/ Samirsinh Dattopadhye blog - https://sadguruaniruddhabapu.com Watch live events - https://www.aniruddha.tv Know more about the Devotional Services carried out under the guidance of Sadguru Shree Aniruddha (Bapu) - http://www.aniruddhasadm.com https://aniruddha-aadeshpathak.com ----------------------------------