PM Xanana Enkoraza Juri Sira Halo Selesaun Juíz STJ Tuir Espetativa Estadu Timor Leste

DILI, 15 Outubru 2026 Primeiru-Ministru (PM), Kay Rala Xanana Gusmão, enkoraza ekipa juri atu hala’o prosesu selesaun bá kandidatu juíz Supremu Tribunál Justisa (STJ) no Tribunál Rekursu ho profisionalizmu, responsabilidade no integridade, tuir espetativa Estadu Timor-Leste nian. PM Xanana hato’o mensajen ne’e durante enkontru ho ekipa juri, ne’ebé kompostu hosi juíz konse¬lleiru sira ne’ebé reforma ona, iha Palásiu Governu, Dili, kinta(15/10).