ရှမ်းပြည်နယ်သားတွေ ယာဉ်စီးခ အဆမတန် အကောက်ခံနေရ (ရုပ်/သံ)

ရှမ်းပြည်နယ်မှတ်ပုံတင် ၁၃/ ကိုင်ဆောင်ထားသူတွေ ကားလက်မှတ် ဖြတ်ရာမှာ ယာဉ်စီးခကို အခြားဒေသ မှတ်ပုံတင်တွေထက် အဆမတန် စျေးတင်ရောင်းမှုတွေ ကြုံတွေ့နေကြရပါတယ်။ အထူးသဖြင့် ရန်ကုန်၊ မန္တလေးနဲ့တောင်ကြီးမြို့တွေကနေ ထိုင်း-မြန်မာနယ်စပ် မြဝတီကို သွားလာမယ်ဆိုရင် အခြားသူတွေရဲ့ပေးရတဲ့ဈေးနှုန်းက ကျပ်တသိန်းကျော်သာရှိပေမယ့် ၁၃/တွေက ကျပ်ငွေ ၄ သိန်းကနေ ၆ သိန်းလောက် အထိပေးနေကြရတာဖြစ်ပါတယ်။ ဒီလိုလက်မှတ်ဈေးနှုန်းကွာဟရတာက ကားဝန်ဆောင်မှုပေးသူတွေ ရယူဖို့မဟုတ်ဘဲ ၁၃/မှတ်ပုံတင်ကိုင်ဆောင်သူတွေကိုစစ်ဆေးရေးဂိတ်တွေက အထပ်ထပ် စစ်ဆေးတဲ့အတွက် အစစ်ဆေးမခံရအောင်၊ ကားထွက်ချိန်မကြန့်ကြာအောင် တရားမဝင်ငွေပေးရတာကိုပါ ပေါင်းပြီးတပါတည်းတောင်းတာဖြစ်တယ်လို့ အဝေးပြေးကားဝန်ဆောင်မှု လုပ်ငန်းဆောင်ရွက် သူတွေက ပြောပြကြပါတယ်။ #မြန်မာ #ဧရာဝတီ #၁၃/ #ရှမ်းပြည်နယ် #မြဝတီ #ရန်ကုန်