🔥 MHE OMAR SAID SHAABAN AANZA RASMI! HILI NDILO ALILOWAAMBIA WATENDAJI BAADA YA KUKABIDHIWA WIZARA

HOTUBA YA WAZIRI WA BIASHARA NA MAENDELEO YA VIWANDA ZANZIBAR MHE. OMAR SAID SHAABAN, WAKATI ANAZUNGUMZA NA WATENDAJI NA VIONGOZI WA WIZARA MARA BAADA YA KUKABIDHI RASMI WIZARA TAREHE 8 OKTOBA, 2026. Assalaam Alaykum Warahmatullah Wabarakaatuh, na Habarini za Asubuhi. Mheshimiwa Naibu Waziri wa Wizara ya Biashara na Maendeleo ya Viwanda Zanzibar Dkt Salum Sui Hamid Katibu Mkuu, Dkt Habiba Naibu Katibu Mkuu, Dkt Said Wakurugenzi, Wakuu wa Taasisi, na Watendaji wote wa Wizara ya Biashara na Maendeleo ya Viwanda Zanzibar: Kwanza kabisa, namshukuru Mwenyezi Mungu mwingi wa rehema kwa kutujalia uhai na afya njema asubuhi ya leo. Shukran kwa Rais wa Zanzibar Shukran kwa Chama changu cha ACT Wazalendo Shukran kwa Kaimu Waziri Pongezi kwa Naibu Waziri na Katibu Mkuu Shukran kwa Katibu Mkuu na Watendaji wote kwa maandalizi ya Mapokezi Leo ni siku yetu ya kwanza kuripoti rasmi ofisini kuanza safari mpya ya utumishi wa pamoja kwa kipindi hiki cha 2026–2030. Tumekuja kufanya kazi nanyi, bega kwa bega, tukiwa na nia moja na maono thabiti ya kuijenga Zanzibar yetu. Ni matumaini yangu kuwa nanyi mtakuwa na maono kama ya kwetu. Ninataka niweke wazi mapema leo mwelekeo wa uongozi wangu: Kuanzia sasa, Wizara hii na Taasisi zake zote hazitakuwa kikwazo wala mkandamizaji wa sekta binafsi. 1. Wajibu Wetu: Wasemaji, Wawezeshaji, na Watetezi Sisi hapa wizarani ni wasemaji, wawezeshaji, na watetezi wa wafanyabiashara, wenye viwanda, na walaji.