Khit Thit Evening News | 14 September 2026

Khit Thit သတင်းဌာန၏ စက်တင်ဘာ ၁၄ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ စက်တင်ဘာ ၁၄ ရက် ညနေပိုင်း တင်ဆက်ပေးမယ့် သတင်းတွေကတော့ အပြည်ပြည်ဆိုင်ရာတရားရုံး (ICJ) က မြန်မာနိုင်ငံကို လူမျိုးတုံးသတ်ဖြတ်မှုအတွက် အပြစ်ရှိကြောင်း ဆုံးဖြတ်ပါက ရိုဟင်ဂျာတွေအတွက် လက်ရှိမြန်မာစစ်တပ်တင်မက နောင်အနာဂတ်အစိုးရ အဆက်ဆက်ကပါ တာဝန်ယူရမယ်လို့ ဒေါက်တာ Azeem Ibrahim က ထုတ်ဖော်ပြောဆိုလာပါတယ်။ ကချင်ပြည်နယ် ၊ ဗန်းမော်မြို့နယ်အတွင်း စစ်ကြောင်းထိုးလာတဲ့ အကြမ်းဖက် စစ်တပ်နဲ့ KIA ပူးပေါင်းတပ်တွေအကြားတိုက်ပွဲဖြစ်ပွားပြီး စစ်တပ်ဘက်က အယောက် ၃၀ကျော်ကတော့ အသီးသီး သေကုန်ကြတဲ့အပြင် ၊ စစ်သား ၁၀ ဦးကိုပါ တော်လှန်ရေးတပ်တွေက အရှင်ဖမ်းဆီးရမိထားပြီး ၊ စစ်သင်္ဘော၁ စီးလည်း ဒီကနေ့ မနက်ပိုင်းမှာ ထပ်မံတိုက်ခိုက်ခံရပြီး နစ်မြုပ်သွားပြီလို့ KIA စစ်ရေး သတင်းရင်းမြစ်က ရန်ကုန်ခေတ်သစ်ကို ပြောလာပါတယ်။ ကချင်ပြည်နယ်၊ တနိုင်းမြို့နယ်က နောင်လုံကောင်ရမ် ကျေးရွာမှာ စစ်တပ်လက်အောက်ခံမင်းဇေသန့် ပြည်သူ့စစ် ပူးပေါင်းတပ်ဖွဲ့တွေဟာ ဒေသခံပြည်သူတစ်ဦးကို နေအိမ်အတွင်း ဝင်ရောက်ပစ်ခတ်သတ် ဖြတ်ခဲ့ပြီး အခြားဒေသခံတစ်ဦးကိုလည်း ဖမ်းဆီးခေါ်ဆောင်သွားတယ်လို့ ဒေသခံတွေက ရန်ကုန် ခေတ်သစ်ကို ပြောလာပါတယ်။ အမေရိကန်နိုင်ငံမှာ ငွေကြေးဖောင်းပွမှု မြင့်တက်လာပြီး အိမ်အရောင်းအဝယ် ကျဆင်းလာသလို ဒီဇယ်ဆီဈေးဟာလည်း တစ်ဂါလန်ကို ၆ ဒေါ်လာကျော်အထိ မြင့်တက်လာ တာကြောင့် အမေရိကန် အိမ်ထောင်စုတွေနဲ့ စီးပွားရေးလုပ်ငန်းတွေအပေါ် ကုန်ကျစရိတ်ဖိအားတွေ ပိုများလာနေတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။