1 October 2026

🌿 आळूच्या पानांची रस्सा भाजी 🥘 साहित्य आळूची वडी करण्यासाठी: आळूची पाने – आवश्यकतेनुसार बेसन पीठ – आवश्यकतेनुसार तांदळाचे पीठ – १ चमचा जिरे लसूण कोथिंबीर लाल मिरची पावडर धने पावडर हळद चिंच – भिजवलेली गूळ – चवीनुसार मीठ – चवीनुसार तीळ – २ चमचे तेल – आवश्यकतेनुसार पाणी – आवश्यकतेनुसार रस्सा करण्यासाठी: तेल – साधारण ३ पळी कांदा लसूण आलं खोबरे कोथिंबीर जिरे हळद लाल मिरची पावडर काश्मिरी मिरची पावडर मीठ – चवीनुसार पाणी – साधारण दीड ग्लास 👩‍🍳 कृती सर्वप्रथम आळूची पाने पाण्यामध्ये व्यवस्थित धुऊन घ्या. पाने धुऊन झाल्यानंतर त्यांच्या मागच्या बाजूच्या जाड शिरा काढून घ्या. आता पानांच्या मागच्या बाजूने लाटणे फिरवून ती व्यवस्थित लाटून घ्या, म्हणजे पाने पूर्णपणे सपाट आणि मऊ होतील. आता मसाला तयार करण्यासाठी मिक्सरच्या भांड्यात जिरे, लसूण, कोथिंबीर, लाल मिरची पावडर, धने पावडर आणि हळद घ्या. त्यामध्ये भिजवलेल्या चिंचेचे पाणी घालून हा मसाला बारीक वाटून घ्या. हा वाटलेला मसाला बेसन पिठामध्ये घालून व्यवस्थित कालवून घ्या. त्यामध्ये चवीनुसार मीठ आणि किसलेला गूळ घाला. गूळ घातल्यामुळे मसाल्याला छान गोड-आंबट-तिखट चव येते. आता त्यामध्ये १ चमचा तांदळाचे पीठ घाला. एका छोट्या तडका पॅनमध्ये तेल गरम करून त्यात २ चमचे तीळ घाला. तीळ गरम झाल्यावर ते मिश्रणामध्ये घालून व्यवस्थित एकजीव करा. आता आवश्यकतेनुसार थोडे थोडे पाणी घालत घट्टसर पीठ तयार करून घ्या. आळूच्या पानाच्या मागच्या बाजूला हे बेसनाचे पीठ व्यवस्थित पसरवून लावा. त्यावर दुसरे पान ठेवा आणि त्यालाही बेसनाचे पीठ लावा. अशा प्रकारे पाने एकावर एक ठेवून त्याचा घट्ट रोल तयार करा. हा रोल चाळणीमध्ये ठेवा आणि गरम पाण्यावर चाळणी ठेवून आळूची वडी व्यवस्थित वाफवून घ्या. वडी वाफवून झाल्यानंतर ती पूर्णपणे गार होऊ द्या. गार झाल्यावर त्याचे गोल काप करून घ्या. 🍛 आता रस्सा तयार करूया एका तव्यावर एक पळी तेल गरम करा. त्यामध्ये कांदा, लसूण, आलं आणि खोबरे भाजून घ्या. हे सर्व भाजून झाल्यानंतर मिक्सरच्या भांड्यात घ्या. त्यामध्ये कोथिंबीर, जिरे, हळद, लाल मिरची पावडर आणि चवीनुसार मीठ घाला. थोडे थोडे पाणी घालत हा मसाला अगदी बारीक वाटून घ्या. आता कढईमध्ये साधारण ३ पळी तेल गरम करा. तेल गरम झाल्यावर त्यामध्ये वाटलेला मसाला घाला आणि मसाला व्यवस्थित शिजवून घ्या. मसाला चांगला शिजल्यानंतर त्यामध्ये काश्मिरी मिरची पावडर घाला आणि साधारण दीड ग्लास पाणी घाला. रस्स्याला छान उकळी आल्यानंतर त्यामध्ये तयार केलेल्या आळूच्या वडीचे काप अलगद सोडा. भाजीला पुन्हा एक उकळी आली की वरून बारीक चिरलेली कोथिंबीर घाला आणि गॅस बंद करा. अशा प्रकारे तयार झाली आपली चविष्ट, झणझणीत आणि पारंपरिक आळूच्या पानांची रस्सा भाजी! 🌿🍛