इतकी कुरकुरीत झाले की लहान मुलांनी सुद्धा आवडीने खाल्ली

कुरकुरीत कारले फ्राय | तव्यावरची कारल्याची भाजी | Crispy Karela Fry Recipe in Marathi नमस्कार मित्रांनो! 🙏 आज आपण बनवणार आहोत तव्यावरची कुरकुरीत आणि मसालेदार कारले फ्राय भाजी. अगदी कमी तेलामध्ये, तांदळाचं पीठ आणि रवा वापरून बनवा चविष्ट कारले फ्राय. कारल्याची कडवट चव आवडत नसली तरी ही रेसिपी एकदा नक्की करून पाहा! साहित्य कारले – १ पाव (२५० ग्रॅम) तांदळाचं पीठ – आवश्यकतेनुसार रवा – २ चमचे मीठ – चवीनुसार लाल मिरची पावडर – चवीनुसार धना पावडर – ½ चमचा हळद – ¼ चमचा गरम मसाला – ½ चमचा तेल – तळण्यासाठी रवा आणि तांदळाचं पीठ यामुळे कारल्याला छान कुरकुरीतपणा येण्यास मदत होईल. कृती सर्वप्रथम कारले स्वच्छ धुऊन त्याच्या पातळ चकत्या कापून घ्या. त्यामध्ये मीठ, लाल मिरची पावडर, धना पावडर, हळद आणि गरम मसाला घालून व्यवस्थित मिक्स करा. त्यानंतर तांदळाचं पीठ आणि २ चमचे रवा घालून सर्व चकत्यांना मसाल्याचं मिश्रण व्यवस्थित लावून घ्या. आता लोखंडी तवा गरम करून त्यावर ब्रशने थोडं तेल लावून घ्या. तव्यावर कारल्याच्या चकत्या एकेक करून ठेवा आणि वरून थोडंसं तेल लावा. मध्यम आचेवर कारले दोन्ही बाजूंनी खरपूस आणि कुरकुरीत होईपर्यंत शॅलो फ्राय करा. कारले छान सोनेरी आणि कुरकुरीत झाल्यानंतर तव्यावरून काढून घ्या. अशा प्रकारे तयार आहे आपली तव्यावरची कुरकुरीत कारले फ्राय भाजी! गरमागरम पोळी, भाकरी किंवा वरण-भातासोबत सर्व्ह करा. #कारलेफ्राय #कारल्याचीभाजी #कुरकुरीतकारले #KarelaFry #CrispyKarela #BitterGourdFry #MarathiRecipe #TavaRecipe #MaharashtrianRecipes #CookingMarathi