Veduka chooda raarandi/ Video 679/వేడుక చూడ రారండి

Lyrics by Smt Suvarna Lakshmi/ Music generated by AI వేడుక చూడ రారండి — బ్రహ్మోత్సవ వేడుక చూడ రారండి! ఏడుకొండల రాయుడు, వాసుదేవుడు, వరదుడు, కలియుగ దేవుని వేడుక చూడ రారండి — బ్రహ్మోత్సవ వేడుక చూడ రారండి! విష్వక్సేనుడు స్వామి సేనాధిపతి, తిరుమాడ వీధుల తొలుత పరిశీలించి తిరిగేను ; విఘ్నములెల్లను వారింపగను, విఘ్నరాజును ప్రార్థించి, శ్రీపతి వేడుకకు శ్రీకారమిడగా! ॥ వేడుక చూడ రారండి — బ్రహ్మోత్సవ వేడుక చూడ రారండి ॥ భూదేవిని భక్తితో కొలిచి విప్రులు, పావన మృత్తిక భువినుండి గొని; మంగళవాద్యముల నడుమ, మంత్రములతో యాగశాల చేరేరు! ॥ వేడుక చూడ రారండి — బ్రహ్మోత్సవ వేడుక చూడ రారండి ॥ సస్యసమృద్ధితో జగము వెలుగవలెనని, రాత్రివేళను పాలికలందు మృత్తిక నింపి; నవధాన్యములే అందున చల్లి, సోముని సస్యముల రాజుగా ఎంచి; అంకురార్పణము చేసి, బ్రహ్మపీఠమును అలంకరించు! ॥ వేడుక చూడ రారండి — బ్రహ్మోత్సవ వేడుక చూడ రారండి ॥ గరుడధ్వజమును గగనాన ఎగురవేసి, బ్రహ్మాది దేవతలను ఆహ్వానించి; ఋషిగణములకు వందనములొసగి, వేదఘోషలతో యాగశాల వెలుగగా, వేడుకలందున భక్తి విరియగా! ॥ వేడుక చూడ రారండి — బ్రహ్మోత్సవ వేడుక చూడ రారండి ॥ నవదినముల దివ్యోత్సవమున, నానావిధ సేవలు నారాయణునకు చేతురు; వేదనాదములు ఏకముగా మ్రోగగా, వేంకటగిరియే వైకుంఠమై అలరగా! ॥ వేడుక చూడ రారండి — బ్రహ్మోత్సవ వేడుక చూడ రారండి ॥ శేష, హంస, సింహ, గజ, అశ్వవాహనములపై; ముత్యపుపందిరిలో, స్వర్ణరథమున, రథమున; సర్వభూపాల వాహనమున, హనుమంత, గరుత్మంత వాహనములపై; సూర్యచంద్ర ప్రభలపై మోహనాంగుడు, కల్పవృక్షమున కామితార్థములొసగగా, భక్తులెల్లరు గూడి— ॥ వేడుక చూడ రారండి — బ్రహ్మోత్సవ వేడుక చూడ రారండి ॥ పావన తీర్థ పుష్కరిణిలో, దివ్య సుదర్శనము కాంతులీనగా; చక్రస్నానోత్సవమే జరిపి, మాధవుని కరుణ మనసార వేడు! ॥ వేడుక చూడ రారండి — బ్రహ్మోత్సవ వేడుక చూడ రారండి ॥ ఏడుకొండల రాయుడు, వాసుదేవుడు, వరదుడు, కలియుగ దేవుని వేడుక చూడ రారండి — బ్రహ్మోత్సవ వేడుక చూడ రారండి! ఏడుకొండల రాయుడు, వాసుదేవుడు, వరదుడు, కలియుగ దేవుని — హేమాంగుని వేడుక చూడ రారండి! బ్రహ్మోత్సవ వేడుక చూడ రారండి!