અમેરિકામાં ગુજરાતી કપલનાં માથે અણધારી આફત ત્રાટકી

અમેરિકામાં રહેતાં એક ગુજરાતી કપલના માથે અણધારી આફત ત્રાટકી છે, ઈન્ડિયાના સ્ટેટની આ ઘટનામાં 27 વર્ષના તેજસ ગિરિશભાઈ પટેલ નામના એક યુવકને ઘાતક હાર્ટ અટેક આવતા હાલ તે જીવન-મરણ વચ્ચે ઝોલા ખાતો થઈ ગયો છે. તેજસને હાલ લાઈફ સપોર્ટ સિસ્ટમ પર રાખવામાં આવ્યો છે, ડૉક્ટર્સે પણ જણાવી દીધું છે કે તેની રિકવરીની શક્યતા ના બરાબર છે. તેજસ હાલ બ્લૂમિંગ્ટનમાં આવેલી હોસ્પિટલમાં સારવાર હેઠળ છે, તેમની પત્ની સ્વિટી પણ હાલ તેમની સાથે જ છે પરંતુ તેજસની ટ્રીટમેન્ટમાં ખાસ્સો ખર્ચો થઈ રહ્યો છે જે સ્વિટી અફોર્ડ કરી શકે તેમ નથી. આ કપલને મદદ કરવા માટે હાલ ગોફંડમી પર ક્રાઉડફન્ડિંગ શરૂ કરવામાં આવ્યું છે અને અમેરિકામાં રહેતા ગુજરાતીઓ તેમાં છૂટા હાથે મદદ કરી રહ્યા છે.