Malayappa Vybhavam/ Video 677/నీరజనాభుడు — జగదోద్ధారుడు

Lyrics by Smt Suvarna Lakshmi/ Music generated by AI నీరజనాభుడు — జగదోద్ధారుడు సొగసుల మలయప్ప — శ్రీనిధియై వచ్చె! నీరజనాభుడు — జగదోద్ధారుడు సొగసుల మలయప్ప — శ్రీనిధియై వచ్చె! పంకజభవుడు కొలిచిన — పద్మనాభుడు అలమేలుమంగమ్మ — మనోరమణుడు సౌందర్యనిధియై — తా భక్తులను పలుకరించ వచ్చె! నీరజనాభుడు — జగదోద్ధారుడు సొగసుల మలయప్ప — శ్రీనిధియై వచ్చె! ఉత్సవ సేవలందు — పద్మపీఠముపై దేవదేవుడు — దేవేరుల నడుమ నిలిచి రత్నకిరీటము శిరమున — రమణీయముగా వెలుగ తిరునామము, కస్తూరి తిలకము — నుదుటన మెరయ! కంఠాభరణములు — కంఠమున కాంతులీన రత్నహారములు — వక్షమున రమ్యముగా ఒదగ పతకముల తళుకులు — పసిడి వన్నెలు చిలుక శ్రీనివాసుని సిరులెల్ల — కన్నుల పండువలాయె! భుజకీర్తుల వెలుగులు — భుజములపై విరియ కంకణములు కరములందు — కాంతులతో మెరయ శంఖచక్రముల శోభ — సకల దిక్కుల నిండ వరదహస్తముతో నిలిచె — వేంకటాద్రి వరదుడు! కటిబంధము నడుమన — కనక వన్నెలు చింద పట్టు పీతాంబరము — పాదాబ్జములు తాక శ్రీదేవి భూదేవులతో — సిరులొలుకు వేళ వీధులేగు స్వామికి — వేడుకలే వేడుకలు! వైనతేయునిపై స్వామి — వైభవము విశిష్టము మెడలో మకరకంఠి — మెరుపులతో మహిమ చాట లక్ష్మీ కాసులహారము — వక్షమున విరాజిల్ల కాసు కాసునా శ్రీరూపము — కాంతులీన! హారముల వరుసలెల్ల — హృదయమున ఒదిగి రత్నముల తళుకులెల్ల — రేయిని వెలిగించ గరుడునిపై శ్రీపతిని — కనులార గాంచి పరవశించి భక్తకోటి — పరమానందము చెందె! సహస్రనామ కాసులహారము — సిరులొలుకగా వేయి నామముల మహిమ — వక్షమున వెలుగగా కిరీట కాంతులు — శంఖచక్ర దీప్తులు కలియ గరుడసేవలో స్వామి — ఘనత వెల్లివిరిసె! మంగళవాద్యములు — మధురముగ మ్రోగగా గోవింద నామములతో — గగనమెల్ల నిండగా దర్శనమిచ్చె దయతో — దాసజనులకెల్ల హేమాంగుడు — సర్వలోక నాయకుడు — చల్లని చూపులవాడు! నీరజనాభుడు — జగదోద్ధారుడు సొగసుల మలయప్ప — శ్రీనిధియై వచ్చె! నీరజనాభుడు — జగదోద్ధారుడు సొగసుల మలయప్ప — శ్రీనిధియై వచ్చె!